Paco Martín nomeado Socio de Honra de GÁLIX

Publicado por | 7.11.17 Deixa un comentario

Foto: Eduardo Castro Bal,  CC-BY-SA 3.0 
A xunta directiva de GÁLIX decidiu por unanimidade nomear Socio de Honra 2017 ao escritor Paco Martín.

A entrega do galardón terá lugar o vindeiro mércores, día 8 de novembro, ás 12 h. nun acto escolar aberto ao público no IES Ánxel Fole (Lugo).

O escritor Xabier P. Docampo realizará a laudatio. Despois, o alumnado do centro presentaralle ao homenaxeado diferentes traballos relacionados coa súa obra. Logo da resposta do homenaxeado á laudatio, o presidente de GÁLIX fará entrega da escultura, deseño de Noemí López, que acredita o nomeamento.

Nas anteriores edicións recibiron esta mesma distinción Xavier Senín, Xosé Neira Vilas, Agustín Fernández Paz, Fina Casalderrey, Xoán Babarro, Helena Villar Janeiro e Marifé Quesada.

Publicación máis recente Publicación máis antiga

0 comentarios:

[Comentario blog]