Respondendo a unha proposta de GÁLIX (Asociación Galega do Libro Infantil e Xuvenil), o acto de entrega do Premio Lazarillo celebrarase este ano no marco da Salón Internacional do Libro Infantil e Xuvenil de Pontevedra, sendo esta a primeira vez que se realiza nunha cidade que non sexa Madrid e Barcelona.

Este certame, que ven celebrándose desde o 1958, é o máis antigo do Estado español para o lectorado máis novo. Convocado nas súas primeiras edicións polo extinto Instituto Nacional del Libro Español, desde 1986 encárganse da convocatoria do premio a OEPLI e as súas seccións territoriais GÁLIX, Galtzagorri, ClijCat e Consejo General del Libro.

Na comunicación deste evento por parte do presidente de GÁLIX, David Cortizo, e o concelleiro de cultura, Demetrio Gómez, o presidente de GÁLIX lembrou o relevante número de autoras e autores galegos que recibiron este galardón ao longo da súa historia.

O galardón ten a particularidade de estar aberto á participación de obras escritas en calquera das linguas do estado e conta co patrocinio do Ministerio de Cultura e a Fundación McDonald´s.

O acto, na presente edición, faise coincidir co Día Internacional do Libro Infantil, que se celebra en todo o mundo o 2 de abril, data de nacemento de Hans Christian Andersen.

 

O concello de Pontevedra mantén a convocatoria da terceira edición do certame "Premio María Victoria Moreno de literatura xuvenil" en colaboración, nesta edición, coa editorial Cuarto de inverno, que se encargará da publicación da obra premiada.

• Para obras inéditas en galego.
• Cun máximo de 250.000 caracteres
• A dotación do premio é de 4.000 €
• O prazo de presentación remata o 30 de xuño de 2020.

Acceso ás bases

Imaxe de Wikipedia: https://upload.wikimedia.org/wikipedia/commons/0/08/Mar%C3%ADa_Victoria_Moreno.jpg

Concellería de Igualdade do Concello de Pontevedra vén de habilitar unha ligazón para facilitar, en tempos de confinamento, a presentación de obras á primeira edición do Premio Literario Pinto e Maragota a través de correo electrónico.

Comunicamos no seu momento a convocatoria da primeira edición deste premio, pensado para visibilizar e dignificar a diversidade sexual e de xénero, que está convocado polo Concello de Pontevedra en colaboración con Edicións Xerais de Galicia

Pódese acceder ás bases a través do blog de GÁLIX
Acceso á ligazón para presentar obras.

I Edición do Premio Literario “Pinto e Maragota” convocado polo Concello de Pontevedra en colaboración con Edicións Xerais de Galicia co obxectivo de visibilizar e dignificar a diversidade sexual e de xénero.

A obra presentada deberá ser orixinal e inédita, escrita en lingua galega conforme á normativa oficial.

No seu argumento, como temática principal ou transversal, debe estar presente a diversidade sexual e de xénero: orientación sexual e/ou identidade de xénero.

Poden presentarse obras para público:

• Infantil

• Xuvenil

• Adulto

O xénero literario das obras presentadas poderá:

• Novela

• Teatro

• Poesía

Establécese un único premio de tres mil euros.

O prazo de presentación pecharase o xoves 23 de ABRIL do 2020.

Bases

GÁLIX (Asociación Galega do Libro Infantil e Xuvenil) en colaboración co Concello de Pontevedra veñen de convocar o III PREMIO INTERNACIONAL DE ILUSTRACIÓN. A presentación pública, celebrada en Pontevedra o pasado 5 de setembro, correu a cargo de Ana Luna Alonso, Secretaria de GÁLIX, e de Carmen Fouces, concelleira de Cultura de Pontevedra.

A ilustración gañadora será a imaxe da XXI edición do Salón do Libro de Pontevedra, que terá como tema central o humor.

Carmén Fouces, concelleira de Cultura, destacou “a importancia de facelo da man de GÁLIX, que co seu traballo e as súas canles de difusión, permite chegar a todas as latitudes do planeta dentro do proceso de internacionalización no que o Salón está inmerso.”

Pola súa vez Ana Luna manifestou o interese de GÁLIX na súa colaboración co Salón do libro de Pontevedra, tanto na convocatoria deste importante certame como na elaboración da bibliografía temática e na realización das actividades.

O concurso de ilustración está aberto á participación de calquera persoa maior de idade de calquera país, que pode presentar -separadamente- un máximo de dúas imaxes inéditas co tema do humor e en formato dixital, dirixidas á web: www.salondolibro.gal/ilustra

As ilustracións finalistas formarán parte da mostra e do Almanaque do Salón do Libro Infantil e Xuvenil de Pontevedra.

O prazo de presentación remata o 14 de outubro de 2019

Acceso ás bases

Mañá, 28 de novembro, celebramos un novo acto propio: a segunda edición das Xornadas Desfacendo a raia.

As xornadas, organizadas por GÁLIX coa colaboración da OEPLI, o Ministerio de Educación, Cultura e Deporte e a Universidade de Vigo, terán lugar no salón de actos da facultade de Cinencias da Educación ás 10:50.

As II Xornadas Desfacendo a raia de GÁLIX propóñense unha nova meta: axudar a facer visible a literatura feita por mulleres. O ano pasado, nas primeiras xornadas, o obxectivo era dar a coñecer entre os galegos a LIX (Literatura Infantil e Xuvenil) portuguesa e a galega en Portugal. A elección de María Victoria Moreno como a escritora do Día das Letras 2018 vai ser unha dobre oportunidade para poñer en valor a literatura escrita por mulleres e romper cos prexuízos sobre a LIX como unha literatura menor.

Así as II Xornadas Desfacendo a raia inclúe o Encontro María Victoria Moreno: “Unha mestra que sabía ler nos ollos dos Cachorros”. No que van participar a escritora e académica Fina Casalderrey, o ilustrador Manuel Uhía e o escritor e presidente de Gálix Xosé Antonio Perozo.  Ademáis a profesora e escritora Susana Sánchez Aríns levará as Xornadas un relatorio sobre Muller e Memoria.

Máis información no cartel do evento (fai clic para amplialo)

As II Xornadas Desfacendo a raia son abertas a todo o público ata encher o aforo.

Edición 29/11/2017: Nova aquí, aquí e fotos das xornadas a seguir:

Comeza a tempada das Feiras do Libro! A primeira este ano é a de Pontevedra, que terá lugar do 5 ao 10 de abril na Plaza de Ferrería.

Consulta o programa completo e toda a información no facebook das Feiras do Libro de Galicia neste enlace.