O blog de GÁLIX

 


O Día Mundial do Libro e do Dereito de Autoría foi fixado pola UNESCO en 1995, o 23 de abril, para conmemorar a morte de Cervantes, Shekaspeare e o o Inca Garcilaso. e coa intención de render homenaxe aos libros e ás persoas que os crean, e recoñece neles o valor da creatividade e a diversidade, o seu papel na consecución da igualdade no acceso ao coñecemento e como ferramenta contra a pobreza e a intolerancia.

Co obxectivo de garantir que todo o mundo teña acceso ao coñecemento e á cultura, a UNESCO designa cada ano unha Capital Mundial do Libro. Estrasburgo é a cidade escollida como Capital Mundial do Libro 2024, referente da cultura e a literatura universal polo seu patrimonio literario e a organización de actividades que combinan a literatura con outras disciplinas artísticas, como a música, o teatro e a ilustración.

 


Recibimos da Editorial Entre Nubes y Cuentos, como doazón para a Biblioteca de GÁLIX

  • As manchas de Palmira

Título: As manchas de Palmira
Texto: Ana Meilán
Ilustracións: Silvina Eduardo
Editorial: Entre Nubes y Cuentos

 A exposición "Fina Casalderrey: medrando entre historias" inaugúrase o vindeiro xoves 18 de abril ás 12:00 na praza da Ferraría.


O Concello de Pontevedra en colaboración con GÁLIX, rende homenaxe á figura de Fina Casalderrey con esta mostra, configurada por 20 paneis escritos por María Lado e ilustrados por Nove Noel.

A autora homenaxeada é candidata aos Premios Astrid Lindgren Memorial Award (ALMA), outorgados anualmente polo goberno sueco coma homenaxe á creadora de Pippi Mediaslongas. Nestes premios recoñécese o labor dos diversos actores que conforman o mundo do libro infantil e xuvenil. Este ano concorren 245 candidaturas de 68 estados, a maioría pertencen ao campo da escrita ou da ilustración, pero preséntanse tamén asociacións ou organizacións.


A escritora, que formou parte da directiva de Gálix, é a primeira autora en estar nomeada simultaneamente aos dous premios máis prestixiosos da LIX (Literatura Infantil e Xuvenil) a nivel internacional: o Premio Hans Christian Andersen outorgado polo IBBY e o  Astrid Lindgren Memorial Award (ALMA) do goberno sueco.

 

Chegaron á Biblioteca de GÁLIX, como doazón da editorial, as novidades e reedicións de Kalandraka: 

  • Tarde de sapo

  • Puberdade en marcha

  • Chibos Chibóns


Título: Tarde de sapo

Texto: Maite Mutuberria

Ilustración: Maite Mutuberria

Tradución: Manuela Rodríguez

Editorial: Kalandraka

Colección: Demademora

+ info: https://kalandraka.com/tarde-de-sapo-galego.html




Título: Puberdade en marcha

Texto: VV AA

Ilustración: Martina Trach

Tradución: Iago Nicolás

Editorial: Kalandraka

+ info: https://kalandraka.com/en-marcha-puberdade-galego.html

Título: Chibos Chibóns

Texto: Olalla González

Ilustración: Federico Fernández

Editorial: Kalandraka

Colección: Os contos do Trasno

+ info: https://kalandraka.com/chibos-chibons-galego.html

 

 

O pasado martes 2 de abril, Día Internacional do Libro Infantil, Anxo M. Lorenzo, director xeral de Cultura, David Cortizo, presidente de GÁLIX, e Cristina Rubal, subdirectora xeral de Bibliotecas, presentaron o catálogo de Libros infantís e xuvenís de Galicia 2024 que, como cada ano, elaboramos recollendo os títulos de literatura infantil e xuvenil publicados polas editoriais galegas ao longo do ano anterior.


A Consellería de Cultura e GÁLIX coeditan esta publicación trilingüe para dar a coñecer tanto en Galicia coma no exterior as novidades editoriais galegas dirixidas ao público máis novo.

A obra vaise distribuír nas principais feiras e certames internacionais do libro nas que Galicia terá presenza. Presentouse xa na Feira Internacional do Libro de Boloña, entre o 8 e o 11 de abril, onde Galicia contou cun expositor propio para dar a coñecer a produción LIX do noso país.

O documento que agora compartimos pretende ser de utilidade para todas as persoas relacionadas coa LIX no campo da creación, a mediación e tamén da produción e difusión.

O novo catálogo, coa ilustración de cuberta da autoría de Bea Gregores, foi traducido ao inglés e ao castelán por Raúl Esmorís e Mercedes Pacheco. Raquel Senra e Mercedes Pacheco ocupáronse da coordinación do proxecto.

Podes descargar esta publicación en calquera destes espazos: