Informe sobre a lectura en 2018

Publicado por GÁLIX | 21.2.19 Deixa un comentario


No Barómetro de Hábitos de Lectura y Compra de Libros 2018, que vén de publicar a Federación de Gremios de Editores de España recolle a evolución lectora dos últimos seis anos.
Detéctase unha mellora en relación á lectura frecuente que abrangue ao 85% de todos os lectores de libros. Obsérvase un crecemento na compra de libro infantil e xuvenil e de libro práctico e as compras de libros fanse maioritariamente nas librerías tradicionais.
Interesa destacar que un 44,5% das persoas lectoras adoita ler en dúas ou máis linguas (o 21,3% en inglés, o 20,3% en catalán/valenciano e o 4,2% en francés). El 92,4% da poboación ten como idioma de lectura o castelán. A lectura en inglés e francés está por riba da lectura en galego.

O informe non afonda na cuestión da lectura na infancia, de 0 a 14 anos: os datos non están separados por comunidades autónomas; non se contempla a lectura na escola, as compras realizadas polos centros educativos e o uso das bibliotecas escolares. Os menores de 9 anos considéranse lectores habituais, pero o informe non entra en dilucidar onde, cando e como len estes menores; quen son os mediadores e prescritores nestas idades.
Destácase, si, que o 80 % dos rapaces e rapazas de entre 10 e 14 anos len libros no seu tempo de ocio, e son estes lectores entre 10 e 14 anos os que máis utilizan a biblioteca.
E a franxa de entre 14 e 24 constitúe o sector de poboación máis lectora. Logo dos 25 anos abandónase gradualmente a lectura, aínda que as mulleres retoman o hábito máis aló dos 35 anos.

Pódense atopar comentarios sobre este barómetro en:
  • Cultura Galega, que analiza este informe na entrada de 24 de xaneiro de 2019.

Publicación máis recente Publicación máis antiga

0 comentarios:

[Comentario blog]