GALIX (Asociación Galega do Libro Infantil e Xuvenil)
subscribe as reivindicacións (un 2% do orzamento anual da Xunta de Galicia para
a Cultura e unha consellería que non comparta competencias con outras a
áreas alleas) que as asociación que representan o sector do libro (AGE, AELG,
FGL) teñen presentado por contar entre os nosos asociados e asociadas con
editoriais, escritores/as e librarías, así como ilustradores/as, tradutores/as
e mediadores en xeral (críticos,
profesorado, bibliotecarios/as, familias...).
En relación ao libro infantil e xuvenil, especificamente,
querermos deixar constancia da boa calidade que ten demostrado a pesar de non
contar cos apoios que precisa un sector creativo con relativamente pouca
historia e que nos últimos dez anos, debido ao decreto de plurilingüismo, veu
limitadas as súas posibilidades, como se demostra no número de edicións e
exemplares que van diminuíndo na última época ata quedar por debaixo dos libros
publicados en éuscaro. Preocúpanos o número de lectores e falantes dunha lingua
que é patrimonio da humanidade e herdo propio, e que a nosa asociación ten a
obriga de defender tal e como recollen os seus estatutos.
Debemos manter ese público lector e eses falantes, igual
que necesitamos para que o noso libro infantil manteña o nivel de calidade en
todos os tramos de idade e todos os xéneros xa acadados, como demostra a
acollida nacional e internacional de moitas das nosas obras traducidas e
premiadas.. Por iso, facemos públicas as nosas debilidades para que poidan
actuar en consecuencia as administracións de cada un dos niveis, as persoas
mediadoras e os/as mecenas tan necesarios/as.
Reivindicamos programas institucionais para aumentar os
fondos en galego das bibliotecas públicas, municipais, escolares e privadas.
É necesario crear conciencia cidadán para que se merquen
libros e se agasallen aproveitando calquera ocasión, aumentando así o nivel
lector da rapazada e para que poidan crear a súa biblioteca persoal e familiar onde
o libro galego teña un lugar especial.
Reivindicamos a visibilidade nas librarías, nos medios de
comunicación, nos escaparates, nas recensións dos xornais e nas críticas das
revistas.
Necesitamos que se compensen aqueles xéneros e tramos de
idade onde existen baleiros Adiantamos posibilidades de promoción mediante a
recomendación e o traballo con eles por parte dos mediadores, a publicación por
parte das editoras e o fomento por medio de apoio ás edicións ou compra de
exemplares:
- Libro informativo
- Banda deseñada infantil
- Teatro infantil e xuvenil
- Poesía infantil e xuvenil
- Libro infantil con pestanas, fiestras, solapas, despregables ou pop – ups
0 comentarios:
[Comentario blog]