A Xanela de GÁLIX. Marica Campo

María Pilar Campo Domínguez, Marica Campo naceu en 1948 en Val do Mao, no Incio, Lugo.

Quixo ser misioneira e, aos quince anos, ingresou nunha orde relixiosa e estudou teoloxía.

Obtivo o título de maxisterio e traballou, primeiro como mestra e, máis adiante, como especialista de lingua galega en varias escolas e
institutos.

Do seu labor como escritora, chama a atención a súa obra como letrista de cancións.

Foi nomeada Chairega de Honra pola Asociación Cultural Xermolos e a Fundación Manuel María da Terra Chá en novembro de 2007.

No ano 2013 a Asociación de Escritoras e Escritores en Lingua Galega como elixiuna como A Escritora na súa Terra cunha homenaxe no Val de Mao, onde se erixiu un monólito na súa honra no campo da festa que leva o nome de Souto Marica Campo. No mesmo ano o concello de Lugo entregoulle o premio Entre mulleres.

A plataforma literaria A Sega, escolleuna no ano 2018 como protagonista da V edición do Día das Galegas nas Letras.

Ademais de ser unha mestra comprometida coa lingua, Marica é tradutora e unha escritora que abrangue todos os xéneros: divulgación, ensaio, narrativa, teatro e poesía.

No eido da Literatura Infantil e Xuvenil destacamos:

• Crispín do Mao, Crispín do mar; Adeus, pés!; O enigma do menhir; Catro pallasos. (2003). Xunta de Galicia

• Abracadabras (2006). Edicións do Castro.

• E Xoel aprendeu a voar (2009). Obradoiro (2017) Oqueleo.

• Noutra dimensión (2011). Galaxia

• Unha misión para Clara (2018). Oqueleo.

E as traducións de:

• As dúas casas de Alicia de Cristelle Vallat (2013) Baía.

• A Terra acatarrouse de Roxane Marie Galliez (2013). Baía. 

   

  

  ACCESO

  
  

Máis nesta categoría A xanela de GÁLIX Marica Campos soci@s