ABRIL, 2018
Recomendamos: Pioneiras, de Anaír Rodríguez.
foron ocultadas ao longo da Historia.
A autora, na introdución, recolle os resultados dun estudo recente publicado na revista Science que conclúe que os estereotipos de xénero limitan as expectativas das nenas desde a infancia. De aí a necesidade de mostrar referentes femininos valorados socialmente, porque “para construír a nosa propia imaxe, as persoas necesitamos espellos nos que mirarnos, que nos permitan crer en nós mesmas, que nos fagan voar”.Escóllense, na obra, unha ducia de mulleres que poidan servir de modelos porque son pioneiras en diferentes ámbitos:
Exeria, a primeira escritora, que relata a súa viaxe e peregrinaxe a Oriente Próximo, no século IV.
Isabel Barreto, a primeira almiranta. Nomeada gobernadora en terra e adiantada do mar océano, no XVI.
Isabel Zendal, a primeira enfermeira en misión internacional acompañando aos nenos da varíola.
Sofía Casanova, a primeira muller correspondente de guerra para un xornal español na Revolución Rusa e as dúas guerras mundiais.
Marcela e Elisa, dúas mestras que protagonizan a primeira voda entre mulleres a principios do século XX.
Irene González, a primeira futbolista nun equipo masculino na década dos vinte do século pasado.
Áurea Rodríguez, a primeira gaiteira, nada en Cartelle en 1897; cando queda orfa de pais formou cos seus catro irmáns o grupo Os maravillas. Despois de percorrer as romarías de toda Galicia, emigra a América onde segue a tocar.
Mª Luz Morales, xornalista, a primeira directora dun xornal de ámbito estatal: La Vanguardia.
Olimpia Valencia, a primeira médica e doutora galega, ao presentar a tese de doutoramento en 1928.
Celia Rivas que, con vinte anos en 1932, chegou a ser a primeira condutora de camións.
Ángeles Alvariño, oceanógrafa e primeira científica nun buque de investigación internacional.
Pioneiras é unha obra destinada a homenaxear a esas precursoras que abriron os camiños polos que as demais mulleres puideron seguir transitando.
Pilar Sampedro
______________________________
GÁLIX aporta cada mes unha reseña feita por algún socio para a sección Este libro encantoume da OEPLI, ao igual que o resto de seccións. Todos os meses poderás ver as recomendacións das seccións aquí, na web da OEPLI e as de GÁLIX, ademais, no noso blog (bota un ollo na barra lateral!). Se queres colaborar coas túas reseñas para esta sección, non dubides en nos contactar.
0 comentarios:
[Comentario blog]