Acto de nomeamento de Marifé Quesada como Socia de Honra de GÁLIX 2016

Publicado por GÁLIX | 13.12.16 Deixa un comentario
O pasado luns día 12 de decembro celebramos no IES Valadares (Vigo) o nomeamento como Socia de Honra da GÁLIX de Marifé Quesada, primeira ilustradora en acadar este recoñecemento.
GÁLIX agasallou aos asistentes cun díptico numerado cunha ilustración de Marifé Quesada acompañada por palabras de María Xosé Queizán.

Tras unha breve benvida por parte do presidente de GÁLIX, Xosé Antonio Perozo, o acto comezou cunha proxección de diapositivas con ilustracións da nova Socia de Honra. A continuación o númeroso público que participou no acto puido gozar da marabillosa laudatio lida pola escritora María Xosé Queizán, así como da réplica emocionada da homenaxeada.


Tras o intercambio de agasallos entre o IES Valadares e Marifé, o acto finalizou coas palabras da directora do centro, Eva López Tarrío, e da concelleira de Educación do Concello de Vigo, Olga Alonso.
    

Publicación máis recente Publicación máis antiga

0 comentarios:

[Comentario blog]