Feira do Libro de Vigo

Mañá, día 1 de xullo, temos unha nova cita literaria coas feiras deste 2016.

Ás 12:30 h, a presidenta da Federación de Libreiros de Galicia inaugurará a Feira do Libro de Vigo, na Porta do Sol. A Feira poderá visitarse ata o 10 de xullo.

Lembra que podes consultar o calendario de feiras do libro de Galicia nesta entrada.

Guías de lecturas para o verán

As bibliotecas municipais de Oleiros veñen de presentarnos catro guías con recomendacións para lermos este verán. Con elas, prométennos lecturas para sorrir, reflexionar ou emocionar.

Cada unha das guías diríxense a un grupo de idade. Podedes velas e descargalas en cada un dos enlaces máis abaixo. Lembrade que estes libros están dispoñibles nas vosas bibliotecas e que podedes levalos en préstamo.

Visita a túa biblioteca e goza da lectura este verán!

Guía para menores de 6 anos
Guía de 6 a 12 anos
Guía a partir de 12 anos
Guía para mozas/os e adultas/os

Así foi a entrega de premios do DILI 2016

Como vos anunciaramos, o pasado martes celebramos a entrega dos premios ás gañadoras do concurso Adopta un animal de conto do DILI 2016.

O acto, organizado pola OEPLI e GÁLIX como unha das súas seccións celebrouse o 21 de xuño na Biblioteca Pública Municipal "Os Templarios" de Cambre, coa presenza do Secretario Xeral de Cultura, Anxo Lorenzo, o alcalde de Cambre, Óscar García Patiño, e o noso vicepresidente, Antonio Seijas.

Cada unha das premiadas recibiu un diploma acreditativo e un lote de libros. As bibliotecas que presentaron os traballos recibiron tamén cadanseu lote de libros. Dende GÁLIX estamos especialmente orgullosos da alta participación galega neste concurso, con 131 debuxos en total nas tres categorías.

Bota aquí un ollo á reportaxe do acto emitida pola TVG.

A escritora na súa terra: Homenaxe da AELG a Helena Villar Janeiro

A Asociación de Escritor@s en Lingua Galega celebra este mes unha homenaxe á nosa socia de honra do 2015, Helena Villar Janeiro.

Nesta homenaxe, a AELG celebrará a entrega da Letra E de 2016 a Helena Villar Janeiro na súa terra, en Rianxo, o 25 de xuño. A homenaxe "O/A Escritor/a na súa Terra" chega este ano á súa XXII edición. Nela, hónrase a escritores/as procurando un contacto directo e a súa implicación na xornada.

Entre os eventos estará a entrega do galardón Letra E, unha peza escultórica de Caxigueiro, e a plantación dunha árbore simbólica, neste caso, un loureiro, elixido pola propia autora, así como a colocación dun monólito conmemorativo.

Na web da AELG, neste enlace, podedes consultar o programa da xornada.

A guía ninja do ilustrador (iv)

A Guía Ninja do Ilustrador remata co seu decálogo!
Esta iniciativa da Asociación Galega de Profesionais da Ilustración (AGPI) está adicada a informar aos ilustradores autónomos dos aspectos legais, profesionais e do mercado nos que se desenvolve a súa profesión.

Na páxina da Guía Ninja do Ilustrador podes atopar toda a información.

Velaquí tes o decálogo completo:
1) Coñece os teus dereitos, e
2) Traballo especulativo ("spec work")
3) Por que non traballo gratis
4) O cliente 'ilustrado' é o mellor cliente
5) Poñer prezo ao teu traballo
6) Negociar tratos, descifrar contratos
7) Débedas e faltas de pagamento
8) Plaxios e usos indebidos
9) Os papeis do ilustrador
10) Infórmate, asóciate

Entrega de premios do concurso Adopta un animal de conto do DILI 2016

Hai un mes informábamosvos da elección das gañadoras do concurso Adopta un animal de conto do DILI 2016 e este mes traémosvos a nova da celebración do acto de entrega de premios organizada pola OEPLI e GÁLIX como unha das súas seccións.

Este acto terá lugar o próximo martes, 21 de xuño, ás 18:30 na Biblioteca Pública Municipal "Os Templarios" de Cambre.

Cada unha das premiadas recibirá un diploma acreditativo e un lote de libros. As bibliotecas que presentaron os traballos recibirán tamén cadanseu lote de libros. Dende GÁLIX estamos especialmente orgullosos da alta participación galega neste concurso, con 131 debuxos en total nas tres categorías.

Lembrámosvos cales foron as rapazas gañadoras e os seus debuxos:

	PRIMEIROS LECTORES  Claudia Sande Bahamonde O meu gato é un poeta, de Fran Alonso (Ed. Xerais) 2º Primaria, BMP de Valdoviño (A Coruña)
	LECTORES AVANZADOS Noa Fernández Curra  Das cousas de Ramón Lamote, de Paco Martín (Ed. SM) 4º Primaria, Biblioteca Pública del Estado Antonio Odriozola (Pontevedra)
	SUPERLECTORES Nerea Tomé Regueiro Dúas bágoas por Máquina, de Fina asalderrey. (Xerais) 1º ESO, Biblioteca Púbica Municpal Os Templarios. Cambre (A Coruña)

Feira do Libro de Redondela

Este xoves 16 de xuño temos unha nova cita coas Feiras do Libro de Galicia: ás 19:00 h terá lugar, na Alameda de Redondela, a inuaguración da Feira do Libro de Redondela.

Lembra que podes consultar o calendario de feiras do libro de Galicia nesta entrada.

IX Xornada dos Clubs de Lectura

Hoxe, 10 de xuño, reúnese en Compostela o profesorado coordinador dos Clubs de Lectura de Galicia na IX Xornada dos Clubs de Lectura. Foron máis de 11.000 lectores os que acolleros estes clubs, que se reúnen para compartir a experiencia lectora e realizar actividades das súas lecturas.
Nesta xornada, entregarase o Premio dos Clubs de Lectura 2016, do que este ano é gañadora Ledicia Costas, entre outras actividades.

Consulta todas as actividades neste enlace. 

Na nosa biblioteca (24) e recomendacións literarias na rede

Velaquí as últimas novidades recibidas na nosa biblioteca e, máis abaixo, algunhas recomendacións recentes para axudarvos a decidir as próximas lecturas:

	Título: O fío Texto: Gracia Iglesias Ilustracións: Rosa Osuna Tradución: Xosé Ballesteros  Editorial: Kalandraka Colección: Demademora
	Título: Con Tango son tres Texto: Justin Richardson Ilustracións: Henry Cole Tradución: Sandra e Óscar Senra Gómez  Editorial: Kalandraka Colección: Tras os montes
	Título: Feliz Feroz. O lobiño riquiño Texto: El Hematocrítico Ilustracións: Alberto Vázquez Tradución:Anair Rodríguez Editorial: Xerais Colección: Sopa de libros
	Título: Catro cascarolos Texto:Marilar Aleixandre Ilustracións: Enjamio Editorial: Xerais Colección: Sopa de libros
	Título: Manuel María: vida, versos e rebeldía Texto: Manuel Veiga Taboada Escolma poética: Xosé Lastra Muruais Ilustracións: Nuria Díaz Editorial: Xerais Colección:Merlín. De 11 anos en diante
	Título: Poemar o mar Texto: Antonio García Teijeiro Ilustracións: Xan López Domínguez Editorial: Xerais Colección: Merlín. De 9 anos en diante
	Título: A volta á Galia de Astérix Texto: René Goscinny Ilustracións: Albert Uderzo Tradución: Isabel Soto e Xavier Senín Editorial: Xerais Colección: Astérix

RECOMENDACIÓNS LITERARIAS

• Crítica de Será correcto?, por Ramón Nicolás en Caderno da Crítica
• Crítica de Poemar o mar, por Ramón Nicolás en Caderno da Crítica
• Recomendación de Con Tango son tres en Trafegando Ronseis

Coñecemos os gañadores dos Premios Xerais 2016

O sábado 4 de xuño puidemos asistir na illa de San Simón á entrega dos Premios Xerais 2016, unha cita, coma sempre, ilusionante e inesquecible.

Nesta gala, gozamos co discurso da mantedora Ledicia Costas que nos emocionou co agasallo que foron as súas palabras para as diferentes xeracións de creadores e creadoras de Galicia.

Logo, por fin, no momento máis esperado, coñecemos aos gañadores dos premios:

• O Premio Jules Verne de Literatura Xuvenil foi para Iria Misa, pola súa obra Xa non estou aquí. 
• O Premio Merlín de Literatura Infantil foi para David Pérez Iglesias, pola obra Todo o tempo do mundo.

Por outra banda, o Premio de Novela levouno Manuel Esteban por A ira dos mansos.

A nosa máis sincera noraboa aos premiados!

Podes ler toda a información sobre os premios aquí.
Os premios nos medios aquí.
O discurso completo de Ledicia Costas, aquí. Na biblioteca de GÁLIX podes consultar un exemplar físico asinado pola autora.

Máis sobre a gañadora do Jules Verne 2016.
Máis sobre o gañador do Merlín 2016.

Feira do Libro de Ourense

Hoxe, venres 3 de xuño, ás 20:00 h, inaugúrase na rúa do Paseo de Ourense a Feira do Libro de Ourense.

Lembra que podes consultar o calendario de feiras do libro de Galicia nesta entrada.

A guía ninja do ilustrador (iii)

Xa temos tres entradas máis da Guía Ninja do Ilustrador, a iniciativa da Asociación Galega de Profesionais da Ilustración (AGPI) para informar aos ilustradores autónomos dos aspectos legais, profesionais e do mercado nos que se desenvolve a súa profesión.

Na páxina da Guía Ninja do Ilustrador podes atopar toda a información.

Velaquí as entradas publicadas ata o momento:
1) Coñece os teus dereitos, e
2) Traballo especulativo ("spec work")
3) Por que non traballo gratis
4) O cliente 'ilustrado' é o mellor cliente
5) Poñer prezo ao teu traballo
6) Negociar tratos, descifrar contratos
7) Débedas e faltas de pagamento
8) Plaxios e usos indebidos

Novas da LIX (3) - Entrevistas

Comezamos o mes de xuño cunha recopilación de entrevistas a autor@s e outras novas recentes da LIX:

ENTREVISTAS

• Entrevista a Andrea Maceiras en El Ideal Gallego. 
• Entrevista a Beatriz Núñez, presidenta de Espazo Lectura, en Biosbardia.
• Entrevista Rodrigo Chao, ilustrador, en Fervenzas Literarias.

OUTRAS NOVAS

• Este sábado 4 de xuño celébrase na Illa de San Simón a entrega dos Premios Xerais 2016. Nela, coñeceremos os/as gañadores/as do VIII Premio Jules Verne de Literatura Xuvenil e do XXXI Premio Merlín de Literatura Infantil, ademais do XXXIII Premio Xerais de Novela. Aquí podes consultar todas as obras gañadoras do Jules Verne e do Merlín.
• O xoves día 2 de xuño, ás 19:30, celebrarase en Cangas, na Libraría Wells (Praza do Arco, 5), un encontro cos autores da obra O Ganapán das Palabras, de Kalandraka, Pepe Cáccamo e María Xosé Fernández.
• Ledicia Costas foi a convidada de honra na XXV Edición do Simposio de Literatura Infantil e Xuvenil do Instituto Cervantes de New York os días 20 e 21 de maio. +info: na web de Xerais.
• A Asociación Galega de Editores vén de renovar a súa xunta directiva, ademais do seu nome. A asociación pasa a denominarse Asociación Galega de Editoras e a estar presidida por Xosé Ballesteros. Acompañan ao responsable de Kalandraka  Henrique Alvarellos, de Alvarellos Editora como vicepresidente, Belén López, de Baía Edicións, no cargo de secretaria e María Xesús Gómez, de Rodeira, como tesoureira. Entran tamén na directiva, como vogais, Laura Rodríguez, de Hércules, Fran Alonso, de Xerais e Xulio Amigo, de Galaxia, e Tomás González, de Urco Editora.
•  En maio tamén se celebrou a esperada I Gala do Libro Galego. Podes consultar aquí as obras gañadoras, entre as que se atopan O meu pesadelo favorito, de María Solar, Lendo lendas, digo versos, de Antonio G. Teijeiro e Antonio Reigosa. Ademais, Espazo Lectura foi premiado pola súa importante labor no fomento da lectura.
• No mes de maio entregouse tamén o premio Astrid Lindgren á gañadora Meg Rosoff, en Estocolmo.