Na nosa biblioteca (241)

 

A Editorial Galaxia fainos chegar esta novidade á Biblioteca de GÁLIX :

 

 

• Andar aos biosbardos. Contos baixo o Freixo engurrado

Título: Andara os biosbardos. Contos baixo o Freixo engurrado

Texto: Charo Pita

Ilustracións: Dani Padrón

Editorial: Galaxia

Colección: Árbore

+ info: https://editorialgalaxia.gal/produto/andar-aos-biosbardos-contos-baixo-o-freixo-engurrado/

Na nosa biblioteca (240)

Edicións Xerais de Galicia fainos chegar, como doazón para a Biblioteca de GÁLIX, dous títulos da nova colección de libros informativos, Seica (Coñecemento)

 

 

 

• A vida diaria dos romanos

• Bárbaras!

Título: A vida diaria dos romanos

Autoría: Pepe Carballude

Ilustracións: Jorge Campos Sánchez

Editorial: Edicións Xerais de Galicia

Colección: Coñecemento, Seica

+ info: https://www.xerais.gal/libro.php?id=6674919

Novas:

La Voz de Galicia: https://www.lavozdegalicia.es/noticia/carballo/carballo/2021/04/08/span-langgl-vida-diaria-dos-romanos-recorda-as-rutinas-dos-nenos-galegos-anos-60span/0003_202104C8C6991.htm

Título: Bárbaras!

Texto: María Reimóndez

Editorial: Edicións Xerais de Galicia

Colección: Coñecemento, Seica

+ info: https://www.xerais.gal/libro.php?id=6495522

Na nosa biblioteca (239)

 

 

 

Recibimos de Edicións Xerais de Galicia, como doazón para a Biblioteca de GÁLIX, os premios Merlín e Jules Verne 2020:

• A folla azul

• santoamaro

Título: A folla azul

Autoría: Andrea Maceiras

Ilustracións: Sonia García

Editorial: Edicións Xerais de Galicia

Colección: Merlín

+ info: https://www.xerais.gal/libro.php?id=6092424

Premio Merlín de Literatura Infantil 2020

 

Título: santoamaro

Texto: Antonio Manuel Fraga Allegue

Editorial: Edicións Xerais de Galicia

Colección: Fóra de Xogo

+ info: https://www.xerais.gal/libro.php?id=5161967

Premio Jules Verne de Literatura Xuvenil, 2020

 

Novas:

• Galici@press: https://www.galiciapress.es/texto-diario/mostrar/2205243/maria-marco-covelo-antonio-manuel-fraga-andrea-maceiras-galardonados-premios-xerais-2020-literatura

• Blog de GÁLIX: http://www.galix.org/2020/12/premios-xerais-2020.html

• El Correo Gallego: https://www.elcorreogallego.es/tendencias/outorgados-os-premios-xerais-2020-dedicados-a-literatura-en-galego-DA5736656

• Praza: https://praza.gal/cultura/maria-marco-covelo-antonio-m-fraga-e-andrea-maceiras-premios-xerais-2020

XXII edición do Salón Internacional do Libro Infantil e Xuvenil de Pontevedra

 

Este pasado venres, 23 de abril, Día Mundial do Libro e os Dereitos de Autoría, inaugurouse a XXII edición do Salón Internacional do Libro Infantil e Xuvenil de Pontevedra que este ano ten como lema: Emerxencia Literaria: os libros salvan o planeta

Por mor das restricións que impón o COVID-19, as actividades este ano van ter un aforo moi reducido. Para adaptarse á situación e facilitar a participación, o Salón ocupará distintos espazos da cidade e as parroquias. Contará cun espazo fixo ao aire libre na Illa do Covo, coa posibilidade de recorrer ao Pazo da Cultura se as condicións climáticas o aconsellan, e haberá tamén unha furgoneta “Rodalibros” que levará actividades ás parroquias dende o 23 de abril ao 9 de maio.

Como en anos anteriores, GÁLIX (Asociación Galega do Libro Infantil e Xuvenil) participa e colabora preparando unha bibliografía sobre a temática desta edición, para que poidan consultala as persoas interesadas, preferentemente profesorado.

Calendario da exposición itinerante: O CASTRO, tamén na orixe da LIXG, no ano 2021

Durante este ano 2021 exposición O CASTRO, tamén na orixe da LIXG, organizada por GÁLIX, co patrocinio da Deputación da Coruña e coa colaboración do Concello de Santiago e a biblioteca Afundación de Santiago, para conmemorar o centenario de Isaac Díaz Pardo, percorrerá os barrios de Santiago para facilitar que todos os veciños e veciñas de Compostela se acheguen á figura de Isaac Díaz Pardo e ao labor da editorial O Castro en relación á literatura infantil e xuvenil galega.

•  Abril, centro sociocultural de Fontiñas.

• Maio, centro cívico O Romaño-Vista Alegre.

• Xuño, centro sociocultural Santa Marta.

• Xullo, centro sociocultural O Ensanche.

• Setembro, centro sociocultural O Castiñeiriño.

• Outubro, centro sociocultural Aurelio Aguirre de Conxo.

• Novembro, centro sociocultural Jose Saramago de Vite.

A Xanela de GÁLIX. Pepe Carballude

 

Naceu na aldea de Rubín, A Estrada, provincia de Pontevedra, en agosto de 1956.

Como moitos nenos e nenas criados en casas labregas, non dispuxo de moitos libros, nin enciclopedias nin contos para nenos. Non obstante, tivo ocasión de escoitar unha chea de historias que forman parte da tradición oral galega, transmitidas por nais, avoas e, no caso do neno Carballude e os seus irmáns, por Rosa e Francisca. 

 

 

Á hora de durmir, Rosa e Francisca, as mulleres que lles botaban unha man a meus pais nos trafegos do campo, contábanme unha chea de historias de lobos adoecidos, de pantasmas que volvían a este mundo ou de mouros gardiáns de tesouros fabulosos.(Autobiografía. aelg. gal).

Malia o feito de seren aqueles contos de pasar moito medo, tiveron o efecto de espertar no rapaz o soño de ser quen de escribir as súas propias historias. Non obstante, tiña claro que estudar era a súa prioridade e a intención de escribir tivo que ser aprazada varias veces.

Estudou Primaria nunha escola rural daquelas que adoptaban como método didáctico o principio de que “a letra con sangue entra”, na que asegura que aprendeu unha morea de cousas que daquela eran consideradas imprescindibles e pouco ou nada de outras consideradas prescindibles:

Aínda así aprendín a lista dos reis godos, os ríos de Asia, as capitais de Europa e algunhas cousas de tanta utilidade coma estas. Pouco de historia e xeografía de Galicia. Seguramente porque o máis achegado ben se ve e non o hai que estudar. (Autobiografía. aelg.gal)

A súa infancia na aldea transcorreu entre a participación nos labores do campo, os xogos cos amigos, os baños no río e as trasnadas comúns a case todos os rapaces: axexar ás nenas que tamén ían ao río, roubar froita nas hortas dos veciños, por aquilo de ser máis sabedeira ca das hortas da casa; ir pillar niños de paxaros polo día e troitas pola noite.

Aquela vida mudou radicalmente cando marchou para Ourense a estudar o Bacharelato no instituto e a vivir nun internado. Para un neno de doce anos, o feito de deixar a aldea, a familia e os amigos de sempre, foi case coma un desterro. Non obstante, a adolescencia en Ourense, ademais dos estudos, foi un tempo de descubrir novas experiencias: as bromas e as loitas con almofadas entre dormitorios do internado e os guateques dos sábados pola tarde nos que podían bailar con rapazas de outros colexios.

A estadía en Ourense, desde o punto de vista literario, permitiulle desbotar a idea que tiña de neno de que tódolos escritores (Cervantes, Quevedo, García Lorca...) estaban mortos, ao descubrir e coñecer a escritores galegos vivos, como Blanco Amor, Méndez Ferrín e Carlos Casares. Ademais comezou a ler literatura en galego, cousa que ata entón fora impensable nas escolas de Primaria, nas que a única lingua permitida era o castelán.

Rematado o C.O.U., estudou Filoloxía Clásica na universidade de Santiago. Sempre sentira fascinación polo mundo clásico pero atopou os estudos oficiais da carreira demasiado teóricos. Mesmo así, leu nas súas linguas orixinais os grandes autores clásicos gregos e latinos e chegou a familiarizarse con eles de tal xeito que, segundo el afirma:

Homero, Virxilio, Horacio, Ovidio, Séneca, Catulo… foron e seguen a ser compañeiros de viaxe ós que acudo a miúdo seguro de atopar conforto. Na miña literatura aparecen poucos heroes ó estilo clásico, pero en todos os meus libros nótase o pouso das lecturas. Son dos que pensa que o escritor crea a partir de vivencias, de lecturas e de imaxinación. (2014. Entrevista. Alumnado IES Manuel García Barros).

Coa Licenciatura en Filoloxía Clásica na man, o seu primeiro destino como profesor foi nun instituto de Badaxoz onde, ademais de exercer como ensinante, seguiu a estudar, aprobou as agregadorías de Latín e logo obtivo unha praza en Vilagarcía. Unha vez máis aprazou o seu proxecto de escribir para seguir estudando e obter unha cátedra. Logrado este obxectivo despois de dous anos de estudo, foi destinado a Carballo. Foi entón cando decidiu que xa era tempo de se poñer a escribir e comezou presentándose ao II Concurso Barco de Vapor, no que quedou finalista. Despois daquela primeira obra, chegaron moitas outras enfocadas ao público infantil e xuvenil, aínda que Pepe Carballude afirma que escribe “libros que pode ler calquera, tamén os nenos e mozos”. Tamén asegura, falando dos personaxes dos seus libros:

Por moi fantasiosos que parezan, son sempre reais. Tan reais que ás veces están sacados do entorno familiar ou de amigos, transformados iso si pola miña imaxinación, pero recoñecibles tan axiña como se esgaravelle un chisco.(2014. Entrevista. Alumnado IES Manuel García Barros)

Cómpre subliñar que a obra de Pepe Carballude non se limita á súa creación literaria, senón que abrangue traducións ao galego de autores clásicos como Fedro e Cicerón e tamén tradución ao portugués de obras en castelán.Ten participado en varias obras colectivas e con artigos en revistas como Grial e Trevo.

A actividade profesional de José Carballude como catedrático de Latín no I.E.S.P. Xosé Neira Vilas (Oleiros, A Coruña) rematou no ano 2016, no que se xubilou, pero é de esperar que non se xubile da súa actividade de escritor.

É membro de Galix (Asociación Galega do Libro Infantil e Xuvenil) e membro da AELG (Asociación de Escritores en Lingua Galega).

Obra

Literatura infanto-xuvenil

• O xílgaro pintor, 1987, Galaxia (narrativa infantil).

• Os gazafellos, 1987, S. M. 2006, Galaxia (narrativa infantil).

• Andainas de Pedro Chosco, 1989, S. M. (narrativa infantil).

• O talismán dos druídas, 1989, Galaxia (narrativa xuvenil).

• Investigación 091, 1989, S. M. (novela xuvenil). Traducida ao catalán Cruilla SM.

• Os enredos de Olalla, 1990, 1999, Everest Galicia (narrativa infantil).

• A fraga misteriosa, 1992, S. M. (narrativa xuvenil).

• A historia do home-can, 1993 S. M. - Everest (narrativa infantil).

• S.O.S., 1994, Galaxia (narrativa xuvenil).

• Romaxe de desventuras, 1997, Rodeira (narrativa xuvenil). Traducida ao castelán. Edebé

• Maldito D.N.I.!, 1998, Xerais (novela xuvenil).

• Andrea quere ser maior, 1999, Everest Galicia (narrativa infantil).

• Mimos e máis mimos, 1999, Galaxia (narrativa infantil).

• Paisaxe con fondo gris, 2001, Galaxia (novela xuvenil).

• De cómo o Santo dos Croques se fai peregrino, 2002 (narrativa infantil).

• Miña avoa ten 13 anos, 2006, Tambre (narrativa infantil).

• Xograres dun tempo novo, 2009, Everest Galicia (narrativa xuvenil

• Marxinados, 2014, Galaxia (narrativa xuvenil).

Traducións

• Fábulas de Fedro, 1988, Xunta de Galicia. Con Rosa Mª García Vilariño e Xosé Mª Liñeira Reboredo.

• Galicia Románica de I. G. Bango Torviso. 1991, Galaxia.

• A vida diária dos romanos, 1.995), tradución ao portugués da mesma obra publicada en castelán ( S.M., 1.989).

• Sobre a vellez; Sobre a amizade / Cicerón, 2005, Xunta de Galicia. Con Xosé Mª Liñeira Reboredo

Obras colectivas

• 8 contos, con Xoán Babarro, Concha Blanco, Paco Martín e Mª Victoria Moreno 1989, Xunta de Galicia.

• O deus desaparecido, con Andrés García Vilariño, 1991, S. M. narrativa.

• Lerias, con Paco Martín e Mª Victoria Moreno, 1991, Xunta de Galicia.

• Manuel Reimóndez Portela, na lembranza, 1997, Edicións do Castro

• Catro contos para unha data, con Concha Blanco e Xavier López Rodríguez, 2004, Xunta de Galicia.

• Poesía contemporánea. Tabeirós-Terra de Montes, 2005, Edicións Fervenza.

Recoñecementos

• Finalista do Premio Barco de Vapor (1987) por A Fragata Misteriosa, publicada por S.M. 1992.

• Premio Barco de Vapor de literatura en galego en 1990, por O deus desaparecido, con Andrés García Vilariño

• VII Edición Premios San Martiño de normalización lingüística (1997), no Concello da Estrada.

• Premio Barco de Vapor de literatura en galego no 2002, por De como o Santo dos Croques se fai peregrino.

ACCESO