Obras finalistas no PREMIO AO LIBRO INFORMATIVO PARA A RAPAZADA 2025

 

Reunido o xurado do I Premio ao Libro Informativo para a rapazada 2025, este decidiu proclamar como obras finalistas do certame as presentadas baixo os títulos:  

Diálogos sobre as artes e Ferramentas básicas para ser artista.

Formaron parte do xurado: María Montes Sueiro, María Solar Núñez, Pilar Sampedro Martínez, Luísa Martínez Lorenzo e Susana Seoane Dovigo.

No mes de outubro darase coñecer a obra gañadora.

Reiterando o noso recoñecemento á Asociación Galega polas Bibliotecas Escolares e a Lectura (AGABEL), damos un paso máis no cumprimento do acordo coa extinta asociación que financia esta primeira edición do Premio ao Libro Informativo para a rapazada.

Coa convocatoria deste premio, a Asociación Galega do Libro Infantil e Xuvenil atende á demanda das persoas mediadoras do libro infantil que levan anos denunciando a carencia de textos informativos de calidade, tan necesarios e útiles para a rapazada, feitos en galego e en Galicia.

E tamén damos cumprimento do acordo coa extinta asociación AGABEL, que financiou esta primeira edición do Premio ao Libro Informativo para a rapazada.