Contar sen palabras. Faladoiro creativo.

 Son libros silandeiros os libros ilustrados sen palabras que poden ser lidos, entendidos, independentemente do idioma. Aínda que teñan diferente complexidade na trama ou na estrutura, estas obras comparten a característica de narrar sen palabras. 

O vindeiro martes , 22 de marzo, ás 19:30, dentro das actividades que desenvolve o Salón Internacional do Libro de Pontevedra, terá lugar o acto Contar sen palabras: os libros sen texto, tamén para adultos, unha mesa redonda sobre libros silenciosos que moderará Pilar Sampedro, Vicepresidenta de GÁLIX e experta en literatura infantoxuvenil e na que participarán Carme Hermo e Jorge Campos, dúas persoas que teñen publicadas obras de referencia como son os álbums Man de Camelle e Alter Nativo.