Convocatoria do Premio Lazarillo 2020

 

O Lazarillo, o concurso máis antigo de Literatura Infantil e

Xuvenil, ten aberta a convocatoria correspondente ao ano 2020.

 

 

 

Modalidade de Creación Literaria:

 Adicado a estimular a produción literaria infantil de calidade.

• Para obras inéditas escritas en calquera das linguas do estado español.

• En calquera xénero:

  • Narrativa e teatro, terán un tamaño máximo de 80 páxinas, en Arial 12 a doble espazo.

  • Poesía: 150 versos por páxina en poesía

• Dirixidas a lectorado menor de 11 anos.

• Terá unha dotación de 6.000 €.

• O prazo de presentación de orixinais remata o 30 de setembro.

Modalidade de Álbum Ilustrado:

Destinado a estimular a produción de álbums infantís ilustrados.

• Para obras inéditas.

• Cunha extensión máxima de 32 páxinas.

• Non poderán exceder o tamaño DIN A2

• O premio terá unha dotación de 6.000 €.

• O prazo de presentación de orixinais remata o 30 de novembro de 2020.
  

Este libro encantoume (agosto 2020)

AGOSTO 2020

Recomendamos:  Bicos e non balas de Antonio García Teixeiro

Poucas persoas lle teñen cantado a paz do xeito que o fai o Mestre Antonio García Teijeiro. A musicalidade dunha poesía

sempre coidada, atenta e respectuosa coa palabra, entrelaza a súa man coa forza das imaxes que é capaz de pousar na alma do lector ou lectora.

Unha antoloxía de poemas que xiran entorno a paz, que te recollen, te acollen e te transportan da primeira a derradeira páxina. Unha voz que sempre fai ben e cura almas.

Porque o mundo pode ser diferente.

Bicos e non balas.

Miguel Ángel Alonso Diz

______________________________

GÁLIX aporta cada mes unha recensión feita por algún socio para a sección Este libro encantoume da OEPLI, ao igual que o resto de seccións. Todos os meses poderás ver as recomendacións das seccións aquí, na web da OEPLI e as de GÁLIX, ademais, no noso blog (bota un ollo na barra lateral!). Se queres colaborar coas túas recensións para esta sección, non dubides en nos contactar.