A LIX no 8M, Día Internacional da muller traballadora

Des que, en 1975, a Organización de Nacións Unidas declarou o 8 de marzo como Día Internacional da Muller Traballadora, conmemoramos cada ano esta data, para reivindicar a igualdade e os dereitos das mulleres e promover o establecemento dunha sociedade máis xusta. Este ano 2020 a campaña da ONU ten como lema: Son da Xeración Igualdade: Polos dereitos das mulleres

A lectura é unha ferramenta fundamental para promover a igualdade e o respecto; pero existen poucos referentes femininos na literatura tradicional e cómpre fornecer á infancia de modelos de mulleres actuais, persoas autónomas e profesionais competentes, e dar a coñecer, tamén a docentes e familias, obras infantoxuvenís que presenten modelos de relación igualitarios e acheguen unha ollada de xénero desde a literatura.

No ano 2018 o Salón Internacional do Libro de Pontevedra tivo como lema "Mulleres de conto" e GÁLIX elaborou unha bibliografía sobre este tema que pode ser de utilidade.

• ACCESO Á BIBLIOGRAFÍA GÁLIX PARA O SALÓN DO LIBRO DE PONTEVEDRA 2018.

• PÍNTEREST DE RECURSOS DE GÁLIX  

Neste 8 de marzo centros de ensino, asociacións, institucións, bibliotecas e librerías teñen programadas actividades dirixidas ao lectorado infantil e xuvenil.

Compartimos a información que nos vai chegando:

 

• Asesoría de Bibliotecas escolares de Galicia

• Biblioteca Pública Ánxel Casal de Santiago de Compostela

• Bibliotecas Municipais de Oleiros

• Biblioteca Rego da Balsa, Carballo

• Biblioteca Municipal de Celanova

• AS.PG