I Certame de Literatura Infantil e Xuvenil Muíño do Vento

Indómita e a semente da inmortalidade, de Alejandro Mene Pazos (Álex Mene) é a obra gañadora no I Certame de Literatura Infantil e Xuvenil Muíño do Vento e será publicada pola editorial Bululú.

O xurado destacou deste texto a corrección do galego e considera que a historia é axeitada para lectorado infantil, que renova a tradición e aporta valores ecolóxicos.

O autor, mestre, artista multidisciplinar e comisario de exposicións galego publicara en 2018 con Alvarellos editora a obra de literatura infantil A raíña das tortas, ilustrada por Blanca González Crespán.