oblogdegalix: setembro 2022

xoves, 29 de setembro de 2022

Na nosa biblioteca (307)

Chegaron novidades da Hércules Edicións como doazón para a Biblioteca de GÁLIX :

Isto é rock!

Título: Isto é rock!

Texto: Javier Becerra

Ilustracións: Catuxa Alonso

Editorial: Hércules Edicións

Colección: Preparados, listos ... Xa!

+ info: https://www.herculesediciones.com/gl/libro/esto-es-rock/

Novas na rede:

Asociación Galega de Editores:

https://www.editorasgalegas.gal/isto-e-rock-de-hercules-de-ediciones-o-album-ilustrado-que-repasa-a-historia-do-rock-contada-para-a-cativada/

Diario Cultural: http://www.diariocultural.gal/diario-cultural/143000-isto-e-rock-25-cancions-clasicas-contadas-a-rapazada/

mércores, 28 de setembro de 2022

Cando petan na porta pola noite, nos Libros Extraordinarios do Festival Internacional de Literatura de Berlín 2022.

A obra de Xabier P. Docampo Cando petan na porta pola noite, foi seleccionada entre os Libros Extraordinarios do Festival Internacional de Literatura de Berlín 2022.

Recollendo unha proposta de Paula Carballeira, incorporouse este libro, formado por catro contos de misterio, á selección de Libros Extraordinarios destacando que é unha "obra excepcional que deberían ler todos os nenos e nenas adolescentes"; unha obra local e universal que fala da escuridade, do frío, do medo e de historias contadas na noite a carón do lume.

Xabier P. Docampo, que recibiu o Premio Nacional de Literatura Infantil y Juvenil en 1995 polo texto mencionado, foi un autor prolífico que recibiu numerosos premios; as súas obras traducíronse a diversas linguas. Xabier era un gran narrador, implicado na promoción e normalización da lingua galega.

martes, 27 de setembro de 2022

V Premio Carlos Mosteiro de Literatura Infantil

O Concello da Pobra do Caramiñal e a Editorial Galaxia, en colaboración coa asociación Barbantia veñen de convocar o V Premio de Literatura Infantil Carlos Mosteiro creado no 2018 como medio de promoción para autores e autoras de literatura infantil en lingua galega, e como homenaxe ao escritor veciño deste concello.

Un certame

Para orixinais inéditos en galego normativo.

Dirixidos a lectorado de 3 a 12 anos.
As obras poderán presentarse en papel ou en formato dixital ou no enderezo electrónico premioliterario.cultura@apobra.gal.
O prazo de recepción de obras remata o 30 de novembro de 2022.