Estrea da versión teatral de Chamádeme Simbad

 

Estréase este luns, 29 de abril, no Auditorio do Concello de Vigo, a versión teatral de Chamádeme Simbad (Galaxia, 2009) de Francisco Castro, nunha adaptación feita pola Escola Municipal de Teatro de Vigo en colaboración con Afaga Alzhéimer.

Chamádeme Simbad é un texto ameno, unha aventura dirixida ao público infantil e xuvenil que invita a reflexionar sobre as relacións familiares e a convivencia cos avós, e que abre camiños de comprensión da chocheira, demencia senil ou do alzheimer. O título segue a ser, dende a súa publicación, un dos máis lidos polos clubs de lectura das bibliotecas escolares de Galicia.