Premios Fervenzas Literarias 2018

Fervenzas Literarias, revista de literatura galega, ven de publicar, como cada ano, os Premios Fervenzas Literarias para os mellores libros do 2018; uns premios sen dotación económica outorgados por votación pública de lectores.

Nesta ocasión, e no referente a LIX, os resultados foron:

• Mellor libro de literatura xuvenil para A balada dos unicornios, de Ledicia Costas.
• Mellor libro de literatura infantil para Mamá, quero ser Ziggy Stardust, de Iria Misa.
• Mellor libro traducido de literatura infantil e xuvenil para Pippi Mediaslongas embarca, de Astrid Lindgren, traducido por David A. Álvarez Martínez.
• Ilustrador do ano para Víctor Rivas.
• Mellor capa de libro de literatura infantil e xuvenil para A balada dos unicornios, de Ledicia Costas, feita por Andrés Meixide.
• Mellor editorial do ano para Xerais.
• O peor acontecido para o falecemento de Xabier P. DoCampo.