30 de xaneiro, Día da Ilustración

Cartel de Jaime Asensi

Mañá, sábado 30 de xaneiro, celébrase o Día da Ilustración.

Dentro dos actos relacionados con este día, o  xoves 28 presentouse na Biblioteca Pública Ánxel Casal o catálogo da AGPI Novas olladas sobre os clásicos universais, xunto co proxecto Guía Ninja do Ilustrador. 

O sábado a AGPI buscará que as redes estean cheas de ilustración, e por iso convida a que os ilustradores e ilustradoras muden a súa imaxe de perfil por un autorretrato, ou compartan unha imaxe deste, baixo o hashtag #nosilustramos.

Máis información e eventos na web da AGPI e na Axenda de Cultura. Preme na imaxe para agrandala e ver os actos nas diferentes vilas.

Na nosa biblioteca (16)

Urco Editora, novo socio de GÁLIX, vén de agasallarnos con exemplares destes libros seus. Dende aquí, dámoslles a benvida (e as grazas, claro):




Non hai luz sen escuridade
Texto: Andrea Barreira Freije
Editorial: Urco Editora
Colección: Xuvenil

A batalla por Avalon
Texto: Fernando M. Cimadevila Botana
Ilustracións: Jara Zambrano
Editorial: Urco Editora
Seire: O mundo secreto de Basilius Hoffman; 3








Sopa de estrelas
Texto: poemas de Pepe Cáccamo
Ilustracións: Berta Cáccamo
Editorial: Urco Editora
Colección: Infantil

Obradoiro de ilustración para nenos e nenas (A Coruña)

Este sábado 30 de xaneiro, ás 12 horas, terá lugar na Biblioteca Pública da Coruña un obradoiro da man de Óscar Villán sobre o proceso de ilustración dun libro, tomando como referencia o seu propio traballo como ilustrador. 

Data: sábado 30 de xaneiro, ás 12 horas.

Para nenos de + 6 anos

Solicitudes: neste formulario (20 prazas. Admisión por orde de solicitude).

Máis información na web da Biblioteca, no seu facebook e no twitter. 

Na nosa biblioteca (15)

Estas son as novidades enviadas por Xerais nos meses de decembro e xaneiro:

Formig4sMisión Barcelona
Texto: Pere Tobaruela
Ilustracións: Andrés Meixide
Editorial: Xerais
Colección: Sopa de de libros





Unha viaxe inesperada
Texto: Lluís Llort e Salvador Macip
Ilustracións: Sergi Càmera
Tradución: Eva Lozano Carpente
Editorial: Xerais
Colección: Son un animal







Arman e a fábrica podre
Texto: Lluís Llort e Salvador Macip
Ilustracións: Sergi Càmera
Tradución: Eva Lozano Carpente
Editorial: Xerais
Colección: Son un animal

A música das árbores
Texto: Anxo Moure [et al.]
Ilustracións: Chus Láuzara
Música: Servando Barreiro [et al.]
Editorial: Xerais
Colección: Pequeno Merlín

Vaite xa!
Texto e Ilustracións:  Marcos Viso
Editorial: Xerais
Colección: Merliño








O día que choveu do revés
Texto: María Canosa
Ilustracións: Dani Padrón
Editorial: Xerais
Colección: Merliño







Para onde imos cando desaparecemos?
Texto: Isabel Minhós Martíns
Ilustracións: Madalena Matoso
Tradución: Anaír Rodríguez
Editorial: Xerais
Colección: Pequeno Merlín

Guía de lectura da Biblioteca de Oleiros

As Bibliotecas Municipais de Oleiros elaboraron para este Nadal unha guía titulada  "De libros e ilusións", que podes ver e descargar neste enlace.

A guía está formada por 260 recomendacións de libros, DVD e CD que se presentan cun dobre obxectivo: mostrar obras de calidade literaria, artística ou científica para animar a súa lectura, audición ou visión e lembrar que un libro, un CD, ou un DVD son tamén un bo agasallo.

 Esta escolla foi realizada por todo o persoal das bibliotecas e trátase dunha selección de creacións de autoras e autores galegos, españois e internacionais, para distintos gustos,  intereses,  preferencias  e idades.  Boas historias e bos libros para ler, observar ou mirar, películas ou discos para gozar e compartir.

Na nosa biblioteca (14)

Velaquí as novidades enviadas por Kalandraka en decembro para a Biblioteca de Galicia:

Balea

Idea e ilustracións: Federico Fernández
Cor: Germán González
Editorial: Kalandraka, 2015
Colección: Fóra de colección
Mención do xurado do VII Premio Internacional Compostela de Álbum Ilustrado

Cantarolas

Texto: Anisia Miranda e Xosé Neira Vilas
Ilustracións: Leandro Lamas
Tradución de Tamara Aymerich Correa
Editorial: Kalandraka, 2015
Colección: Fóra de colección

Entrevista a Fina Casalderrey na RAG

O 21/12/15, a Real Academia Galega publicou esta entrevista a Fina Casalderrey, socia de honra de Gálix, con motivo dos Premios da Cultura Galega 2015. Fina Casalderrey foi a gañadora do Premio ás Letras en recoñecemento á súa traxectoria.

Podes ler a entrevista completa aquí e descubrir máis sobre Fina na súa web, aquí.

Na nosa biblioteca (13)

Novidades para comezar ben o ano:

Parar o mundo

Texto: María Canosa
Ilustracións: Marcos Viso
Editorial: Trifolium, 2015
Colección: Lunalimón

Convocatoria do IX Premio Internacional Compostela de Álbum Ilustrado

A editorial Kalandraka puxo fin ao 2015 coa publicación das bases dunha nova edición do IX Premio Internacional Compostela para álbums ilustrados.

Podes consultar as bases do premio neste enlace ou descargalas aquí.
Se queres ver as obras premiadas en anteriores edicións, bota un ollo aquí.

Contar e Debuxar o Nadal: fotos da xornada

O pasado martes, 29 de decembro, en Santiago de Compostela, Gálix celebrou a súa actividade de Nadal, co título de Contar e Debuxar o Nadal.

Publicado o número 2 da Revista Criaturas

A Revista Criaturas presentou en Nadal o seu número 2, unha nova edición cos contidos habituais pero tamén outros especiais, como o é a colección de relatos de Nadal achegados por diferentes autor@s galeg@s.
Podes ler a revista completa aquí.
Máis sobre a Revista Criaturas aquí.

Calendario do Libro e a Lectura 2016

Feliz 2016!

Comeza un novo ano de lecturas e aventuras! E en Gálix estamos de volta despois dunhas merecidas vacacións para seguir compartindo con vós as novas da LIX.

Xa sabedes, para non perdervos nada do que está por vir, gardade ben o calendario do libro e a lectura para este ano. Podedes consultalo aquí ou premendo na imaxe da esquerda para ampliala.