As Reservas de Biosfera foron concibidas no ano 1974 polo Grupo de Traballo do Programa sobre o Home e a Biosfera da UNESCO, co obxecto de conciliar a preservación da diversidade biolóxica dos recursos con uso sostible.
Na provincia da Coruña só hai unha reserva da Biosfera, declarada o 28 de maio de 2013, que abrangue 17 concellos das comarcas da Coruña, Betanzos e Terra de Melide: As Mariñas Coruñesas e Terras do Mandeo.
Co obxectivo de destacar, particularmente entre os máis novos, a riqueza natural desta zona e difundir o valor deste recoñecemento outorgado pola UNESCO, en GÁLIX xurdiu o proxecto de CREADOR@S NA RESERVA. Libro ilustrado, coordinado por María Canosa, e para levalo adiante contamos coa colaboración dos nosos socios e socias do ámbito da creación literaria e gráfica. Propuxémoslles formar parellas artísticas e crear un libro de textos ilustrados inspirados nesta Reserva da Biosfera.
O resultado final é unha publicación, coordinada por María Canosa, que responde á idea inicial de poñer en relación a creatividade literaria co potencial da nosa ilustración. Deste xeito, recóllense nel 42 traballos (21 textos literarios e 21 ilustracións) que dan boa idea das sinerxías que se desenvolven cando se complementa o traballo textual co gráfico e viceversa.
O traballo contribuirá a promover esta zona, tamén como lugar de visita, apostando por novas fórmulas de difusión e contidos que poñan de manifesto o valor natural.
A publicación deste libro contou co apoio da
Deputación da Coruña,
0 comentarios:
[Comentario blog]