Ledicia Costas e Víctor Jimeno gañadores do Lazarillo 2021

Publicado por GÁLIX | 31.5.22 Deixa un comentario

Hoxe,
31 de maio de 2022, no marco da Feira do Libro de Madrid celebrouse o acto de entrega do Premio Lazarillo convocado pola OEPLI, co patrocinio do Ministerio de Educación, Cultura e Deporte e McDonald´s.


Ledicia Costas resultou gañadora na categoría de Creación
Literaria modalidade xuvenil coa obra A lebre mecánica; de entre as 113 obras presentadas, o xurado destaca os valores temáticos e literarios, a linguaxe áxil e axeitada para un lectorado adolescente do texto presentado por Ledicia.


Ao recoller o galardón, que recibe por terceira vez, a autora valorou a importancia integradora do premio no que se pode participar en calquera das linguas oficiais do estado.

Na modalidade de Álbum Ilustrado, a obra gañadora foi ¿Y tú de que color lo ves? de Víctor Jimeno na que o xurado destacou a orixinalidade, a variedade de miradas gráficas e o humor.

Pechou o acto, D.ª María José Gálvez, Directora Xeral do Libro e a Lectura que falou da necesidade de apostar pola literatura infantil e xuvenil e do calidade das publicacións para o lectorado infatoxuvenil.

Publicación máis recente Publicación máis antiga

0 comentarios:

[Comentario blog]