PREMIO ARUME DE POESÍA INFANTIL CONCEDIDO EX AEQUO A RAMÓN D. VEIGA E MANUEL LÓPEZ RODRÍGUEZ.

Publicado por GÁLIX | 24.7.21 Deixa un comentario

 


O xurado do Premio Arume de Poesía Infantil, composto por Xosé Antonio Perozo, Presidente de GALIX, Rosalía Morlán, Secretaria da Fundación Neira Vilas, María Xesús Fernández, Manuel Figueiras e Pilar Sampedro decidiu outorgar o Premio Arume de Poesía Infantil 2020 a dous poemarios que serán publicados pola editorial Embora e que comparten unha mesma arela provocativa, arriscada e de notable creatividade.

Plarapluie, de Ramón D. Veiga, un libro divertido e provocador no que se busca a risa pola extravagancia e a complicidade cos pequenos lectores e lectoras. Unha linguaxe áxil e de calidade, na que os recursos poéticos están moi ben empregados a sonoridade envolve os versos.

A flor da letra de Manuel López Rodríguez, que constitúe unha singular homenaxe á poesía establecendo un diálogo con poetas relevantes da nosa literatura. O ritmo introdúcenos nunha proposta unitaria, cunha rica linguaxe conceptual e variados recursos que nos conducen á oralidade e participación coral.

A Fundación Xosé Neira Vilas e GÁLIX, suman esforzos para manter vivo o certame literario creado hai vinte ano por Xosé Neira Vilas e Anisia Miranda coa finalidade de apoiar a poesía infantil.

O premio conta co patrocinio de Deleite, unha empresa galega recoñecida polo seu compromiso coa calidade do seu produto, mais tamén coa lingua e coa cultura.

Publicación máis recente Publicación máis antiga

0 comentarios:

[Comentario blog]