FAME DE PALABRAS NO DÍA INTERNACIONAL DO LIBRO INFANTIL 2020

Publicado por GÁLIX | 4.4.20 Deixa un comentario
Adoitamos considerar o mes de abril como o mes da Literatura Infantil; a partir da conmemoración, o día 2 deste mes, da data de nacemento de Andersen as bibliotecas escolares e públicas énchense de actividades ao redor do libro e da literatura.
Neste malfadado ano 2020, as escolas e as bibliotecas están baleiras e as nenas e nenos teñen FAME DE PALABRAS.
Aproveitemos, como aconsella Héctor Cajaraville neste vídeo gravado para o programa A REVISTA da TVG, para ler en galego en familia.



FAME DE PALABRAS é tamén a proposta da Asesoría de bibliotecas escolares en Twitter que convida a lles enviar unha palabra xunto á portada do libro á que pertence.

 

Ler e recitar poesía infantil en galego para o concurso "Un poema na túa voz" é o convite de GÁLIX para este mes de abril.
Aulas Galegas convocan o concurso de narrativa sonora Ouvea o Lobo. Iniciativa para promocionar a escritura e o desenvolvemento do talento e a ficción sonora como xénero, na que colaboran artistas e promotores culturais galegos, Fundación Luis Seoane e o Festival Internacional de Outono de Teatro (FIOT), e o Festival Internacional de Narración Oral Atlántica




Recollemos no padlet, RECURSOS CON MOITA LIX PARA FICAR NA CASA, outras moitas iniciativas solidarias para ler e ocupar o tempo das crianzas con actividades creativas, educativas e de calidade
Publicación máis recente Publicación máis antiga

0 comentarios:

[Comentario blog]