Iniciativas para ficar na casa con moita LIX!

Coa intención de apoiar ás familias neste momento no que os nenos e nenas están nas casas sen poder saír ofrecemos, nesta entrada, unha relación do material que se está a xerar solidariamente na rede arredor da LIX.

• O Salón do Libro Infantil e Xuvenil de Pontevedra abre as súas portas no mundo dixital, e ofrece contidos todos os días no Salón Virtual

• O Colectivo NOGA #narracionoralgalega crea a canle de YouTube Pandemia de contos, onde se poden atopar historias breves contadas por diversas narradoras e narradores orais.

• A editorial Galaxia ten creada no Instagram a conta Galaxia Infantil, na que se están a colgar vídeos nos que as autorías falan dos seus libros

• Mitos, contos e lendas para ler ou contar en familia na páxina Galicia Encantada, a enciclopedia da fantasía popular e tradicional de Galicia. 

• A páxina web de Kalandraka, que ofrece moito material videográfico arredor da literatura.  
• Contos contados
• Vídeosmusicais
• Cantar e contar 

• A Asesoría de bibliotecas escolares publica unha chea de recursos e  actividades  arredor da lectura.

• En páxinas como a de Os Bolechas, por exemplo, podemos atopar contido para ocupar o tempo de lecer das nosas crianzas.

• Atoparedes vídeos, series, música, audio-contos e xogos en galego na web do Xabarín en CRTVG.
• Non vos perdades os divertidos Karaokes do Xabarín, para cantar en familia.

• Na canle YouTube do Xabarín.  

• Tamén hai vídeos karaoke do Xabarín na páxina GalicianTunes con11 videoclips para cantar co Xabarín.

• Na canle de YouTube Sonárbore, a canle en youtube da Editorial Galaxia, hai moitos vídeos para cantar e bailar en galego.

• O portal web Aulas Galegas ofrece unha chea de material educativo en galego para as crianzas creado expresamente para estes días. 
• Nós salientamos a sección 'Lecturas compartidas', coordinada por Montse Penas e Anxos Rial. 

• Na páxina da Real Academia Galega: contidos para o público infantil sobre Carballo Calero: http://primaveradasletras.gal/

Non esquezades que desde GÁLIX  desenvolvemos  iniciativas para ler LIX na casa: 

#euleolix en Instagram, na que que vos animamos a compartir fotografías das lecturas de LIX galega que estades a realizar nas vosas casas.  

O concurso "Un poema na túa voz" para animar ás familias a ler cos nenos e nenas poesía galega.

  Os vosos comentarios poden axudarnos a mellorar e completar estas informacións.

Máis nesta categoría Euficonacasa Euleonacasa LIX LIX galega Recursos