Adhesións á celebración do día internacional do libro infantil

 
Conmemoramos cada 2 de abril, aniversario do nacemento do escritor danés Hans Christian Andersen, o Día Internacional do Libro Infantil (DILI). 
 

Con esta celebración o IBBY pretende promocionar a boa literatura infantil e xuvenil. Cada ano encoméndase a unha sección nacional a selección das persoas relevantes no seu país que, no campo da escrita e da ilustración, realizarán o cartel e a mensaxe que se traducirá a todas as linguas presentes na organización e se difundirá a nivel internacional.

Este ano 2020 corespóndelle á sección de Eslovenia representar ao IBBY a través do texto de Peter Svetina e o cartel de Damijan Stepancic.

GÁLIX, como sección da OEPLI, ocúpase da tradución ao galego e da súa difusión en Galicia.

Co obxecto de promocionar os bos libros e a lectura entre os máis novos, a OEPLI e as súas seccións (GÁLIX, ClijCat, Galtzagorri, Consejo General del Libro Infantil y Juvenil) anima ás bibliotecas, públicas e escolares, librerías e institucións á celebrar este día con actividades de promoción da lectura coa súa adhesión á celebración mediante inscrición electrónica a través da web da OEPLI (www.oepli.org).

María Solar e o concurso: Un poema na túa voz

Asociación Galega do Libro Infantil e Xuvenil (GÁLIX) convídavos a participar no concurso «Un poema na túa voz» como parte das actividades que se van celebrar para conmemorar o Día Internacional do Libro Infantil ata o vindeiro 2 de abril.

MaríaSolar, respondendo á solicitude de colaboración de GÁLIX, mandounos este vídeo no que se suma ao convite e ofrece a súa opinión sobre a relación que teñen as nenas e nenos coa poesía. Non deixedes de velo.

Grazas María.
Acceso á información do concurso.

Día de Rosalía 2020

¡Turra, turra,
Xan, pola burra!
Mira que Pedro
a cadela che apurra
¡Ai, desdichada
de min que a vexo
fincarche o colmillo
no tistre pelexo!
¡Diancre de Xan,
que non corre nin toa!
Ben haia, amén,
quen os ósos che roa.
¡Churras!, ¡churras!
¡Churriñas!, ¡churras!
Cas-qui-tó,
que escorrénta-las burras. 

 

Como cada ano, celebraremos este 24 de febreiro o Día de Rosalía. 

Aínda que Santiago de Compostela e Padrón centralizarán boa parte dos actos institucionais, a efeméride celebrarase en todos os concellos de Galicia e moitos no exterior.

A AELG propón unha chea de actividades para os centros educativos na semana vindeira á que porá remate, no Panteón de Galegos Ilustres, a lectura, por parte do autor Daniel Asorey, do manifesto Errantes polo mundo.

Para celebrar este día as bibliotecaspúblicas, bibliotecasescolares, librerías, concellos e outras institucións teñen previstas moitas e moi diversas actividades.

Premios de literatura dramática infantil e xuvenil

 

 Damos conta das convocatorias de premios de literatura dramática infantil e xuvenil convocados pola Agadic (Axencia Galega das Industrias Culturais): 

 

• XI premio Manuel María de literatura dramática infantil

• XIV Barriga Verde de textos para teatro de monicreques. 
•  

O prazo para presentar obras aos premios literario remata o día 4 de maio de 2020.

Acceso á Convocatoria

Presentación de solicitudes

Na nosa biblioteca (200)

 Recibimos de Edicións Xerais como doazón para a Biblioteca de GÁLIX :

• A formiga destemida

• Tres bichicomas

Título: A formiga destemida
Texto: María Reimóndez
Ilustracións: Iván Sende
Editorial: Xerais
Colección: Merlín
+ info: https://www.xerais.gal/libro.php?id=6091721

Título: Tres bichicomas, dúas illas e unha serea
Texto: Rosa Aneiros
Ilustracións: Abi Castillo
Editorial: Xerais
Colección: Merlín
+ info:https://www.xerais.gal/libro.php?id=5615592

Novas:

• Brétemas: https://bretemas.gal/onte-1992-rosa-aneiros-premio-agustin-2018/

• Fervenzas literarias:http://www.fervenzasliterarias.gal/index.php/lix/novas/rosa-aneiros-gana-o-ii-premio-agustin-fernandez-paz-de-narrativa-infantil-e-xuvenil-sola-igualdade

• Terracháxa: http://terrachaxa.com/2018/10/29/rosa-aneiros-faise-co-ii-premio-agustin-fernandez-paz/

Na nosa biblioteca (199)

Recibimos da Editorial Galaxia, como doazón para a Biblioteca de GÁLIX :

• Teño oito anos e quero ser youtuber
• Porque te quero 
• A viaxe de Ana
• Cen sementes que voaron 
• Rimaletras 

Título: Teño oito anos e quero ser youtuber
Texto:Xoán Babarro
Ilustracións: Luz Beloso
Editorial: Galaxia
Colección: Árbore
+ info:http://editorialgalaxia.gal/produto/teno-oito-anos-e-quero-ser-youtuber/

Título: Porque te quero
Texto: Baldo Ramos
Ilustracións: Anxo Rodríguez Fariña
Editorial: Galaxia
Colección: Árbore
+ info:http://editorialgalaxia.gal/produto/porque-te-quero/

Novas:

Recomendación de Librería Couceiro:

Título: A viaxe de Ana
Texto:Alberte Momán
Ilustracións: Lidia Nokonoko
Editorial:Galaxia
Colección: Libros para compartir
+ info:http://editorialgalaxia.gal/produto/viaxe-de-ana/

Título: Cen sementes que voaron
Texto:Isabel Minhós Martins
Ilustracións: Yara Kono
Tradución: Xosé Veloso

Editorial: Galaxia
+ info:http://editorialgalaxia.gal/produto/cen-sementes-que-voaron/

Título: Rimaletras
Texto:Mar Guerra
Ilustracións: Blanca Millán
Editorial: Galaxia
+ info: http://editorialgalaxia.gal/produto/rimaletras/

Convocado o premio Meiga Moira de Literatura infantil e xuvenil

Baía edicións vén de convocar o 9º premio Meiga Moira de literatura infantil e xuvenil 2020 para obras:  

• Orixinais e inéditas escritas en lingua galega.

• Dirixidas a nenas e nenos de 8 a 16 anos, especificando o grupo de idade concreto: 

• 8 a 12 anos

• 12 a 16 anos

 

• O prazo de recepción de orixinais remata o 20 de Abril de 2020. 

 

• A dotación económica é de 2.500 euros para a obra premiada e 1.000 euros parea os posíbeis accésit.

 
 

Bases