Homenaxe a Xabier P. Docampo en Compostela

Damos conta do acto de homenaxe a Xabier P. Docampo que estamos a organizar na Biblioteca Ánxel Casal o martes 4 de xuño de 2019. A lectura, e máis na nosa lingua, é sempre un acto de resistencia e identidade, por eso o mellor recoñecemento para un escritor tan comprometido é lelo.

O Acto consistirá na lectura dos seus textos. Animamos a todas as persoas que esteades ese día en Compostela a que vos acheguedes a ler.

• A mañá estará reservada para os centros escolares. Os centros que queiran participar deberían comunicalo antes do 30 de maio para organizar o horario.

• Durante a tarde as persoas participantes porémoslle voz á súa palabra.

• Ás 19,00 horas teremos a charla da crítica e máxima coñecedora da súa obra María Jesús Fernández.

• Como final de acto, GALIX fará entrega da figura conmemorativa da homenaxe como Socio de Honra 2018, que se lle ía realizar en vida.

• Entidades que apoian o acto:
  • Biblioteca Ánxel Casal,
  • Compostela literaria
  • GALIX (Asociación Galega do Libro Infantil e Xuvenil)
  • ALUMNI USC
  • Asociación Cultural O Galo
  • Nova Escola Galega
  • Asociación Cultural Xermolos
  • Asociación de Veciños Plataforma Galeras
  • Revista Galega de Educación
  • Irmandade Manuel María
  • Colabora, Deputación d´A Coruña

Os centros de ensino ou particulares que queiran participar poden contactar coa organización do acto a través do correo electrónico: lecturasdocampo@gmail.com

Máis nesta categoría homenaxe Xabier P. Docampo